Odin Kya Hai Aur Odin Se Samsung Phones Mein Custom Recovery Flash Karna

Introduction:

Kahi bhi samsung mobile phones ko flash karne ki baat aati hai to waha Odin ko zaror use kia jata hai.Samsung android phones ko baqi phones se sub se zayada use kia jata hai.Iss se pehle hum baat kar chuke hein keh Stock rom,stock recovery,custom rom,custom recovery kya hai aur custom recovery and custom rom kese flash karte hein.Pehle custom recovery flash ka method jo me ne bataya tha wo hur samsung phone pe work nahi karta hai.

Aaj hum baat kare ge keh odin kya hai iss ke features kon kon se hein aur odin se mobile phone mein custom recovery ko kese flash kia ja sakta hai.Odin se custom recovery flash karna aik unofficial method tha lekin baad mein iss ko official qarar de diya gaya jo samsung ke all mobile phones ke lye istmaal kia jata hai.





Odin Kya Hai Aur Iss Ke Sath Kya Kia Ja Sakta Hai:

Samsung mobile phones ko flash karne ke lye computer mein jo software use kia jata hai usse odin kehte hein.Kuch years pehle ye internet pe leak hua tha.Odin ko sirf samsung android phones ke lye use kia ja sakta hai.Iss ki madad se hum mobile mein custom recovery,stock recovery,stock rom and custom rom flash kar sakte hein.Jese keh maan lein apke samsung phone ka software kharab ho chuka hai to hum iss ki help se mobile mein stock rom yani orignal software flash kar ke mobile phone ko theek kar sakte hein.

• Unlock Android Pattern Lock Without Losing Your Data Hindi/Urdu Part2
• Huawei Mobiles Ko Flash Kese Karte Hein WIthout Pc

Important Note Before Using:

Odin aik bohat powerful tool hai jis ko bohat carefully use karna hai.Agar custom recovery ya kuch bhi flash karne ke doran odin fail ka message de deta hai to mobile phone brick off bhi ho sakta hai.Iss ki sub se bari waja hai keh flash file jo hum istmaal karte hein uss ka theek na hona.Ghabrane ki koi zarorat nahi hai agar mobile brick off ho bhi jata hai to hum again stock rom flash kar ke theek kar sakte hein.

• Computer Se Wifi Ko Mobile Par Kese Share Karte Hein Full Method
• Make Your Wedding Images Beautiful(Wedding Album Maker For Pc)

Basic Functions Of Odin:

Yaha pe me kuch odin ke basic options aur un ke functions bata raha hoo jin ka ilum hona hamare lye bohat zarori hai.Me screenshot mein jo options highlight kar raha hoo un ki details neeche hai.

1.Repartions pe tick lagane ka matlb hai keh flashing ke baad apka data format ho jaye ga
2.Auto reboot pe tick ka matlb hai flashing ke baad mobile automatic restart ho jaye ga
3.F reset time bhi same auto reboot ki tarah hi hai
4.Iss option ko untick hi rehne de
5.Ye phone ka bootloader update karta hai isse bhi untick hi rehne dena chahye
6.Yaha kuch phones ke lye pit file select ki jati hai jo keh kuch kb ki hoti hai lekin mostly phones ke lye pit file istmaal nahi hoti
7.Custom recovery wgera flash karne ke lye md5 format ki aik file ko download kar ke bootloader mein slect kia jata hai
8.Agar koi rom flash karna ho to pda ke button pe md5 file select ki jati hai
9.Kisi kisi device ke lye md5 format ki aik file hoti hai jo phone mein select ki jati hai lekin aksar aisa nahi hota
10.Yaha kuch country code select kye jaate hein lekin hum iss option ko use nahi kre ge





Odin Se Custom Recovery Kese Flash Kare:

Odin se custom recovery flash karne ke different mobiles ke lye different methods hein me yaha pe just aik example de raha hoo taa keh apko iss ki saari samjh lug jaye.

1.Sub se pehle google se apne phone ke lye custom recovery download kare(Ya comment mein apna mobile model btaye me link de do ga)

2.Iss ke baad mobile ko download mood mein on kare

3.Ab odin open kar ke uss mein bootloader ya pda button ko press kare

4.Press karne ke baad yaha wo file select kare jo download ki thi


5.Iske baad mobile ko data cable se pc ke sath connect kre

6.Jub mobile pc se connect ho ga to odin ki left side mein yellow colour ka nishan aa jaye ga

7.Odin mein f reset time aur auto reboot pe tick kar ke start ko press kre

8.Ab flashing start ho jaye gi aur jub complete ho gi to odin mein pass likha hua nazar aye ga





Note:

Ye method sirf example ke lye tha apke mobile ka method iss se thora different ho sakta hai iss lye behtar yehi ho ga ke aap apne mobile ka model btaye aur me flash karne ka method bata do ga.




Umeed hai apko iss post se kuch na kuch sekhne ko zaror mila ho ga.Ab 15 seconds ka time de ke facebook twitter pe post zaror share kare: