Android Phone Ke Orignal Software/Stock Rom Ka Backup Kese Banaye

Starting Words:

Hy friends kese ho sub umeed hai sub bilkul theek hoo ge.Android phones aik bohat bara platform hai aur iss mein hum bohat saari modifications kar sakte hein.Aksar modifications karte waqt hamara phone brick off ho jata hai yani logo pe khara rehta hai ya phir software mein koi na koi aur issue aa jata hai.Iss masle se bachne ke lye android phone ka backup pehle se hi bna lena chahye taa keh kisi bhi soorat mein hum dobara apne phone ko access kar sake.

Introduction:

Iss tutorial mein me aik bohat hi easy tareqe se poore android ka backup aur baad mein uss ko theek karne ka method batao ga.Poore android ka backup bnane ka matlb hai keh apke phone mein jitni apps installed hein aur jo unka data hai uss saare data ka backup create ho ga.

• Kisi Bhi Android Application Ko Android System App Bnaye Jo Kabhi Delete Na Ho
• Change Your Android Phone Bootanimation(Boot Logo) Simple Method

Hum android phone ki mojoda halat ki aik poori image bnaye ge jiss ko aap kisi bhi waqt restore kar sake ge.Ye image mobile ke memory card mein save ho gi jis ko aap apne computer mein ya kisi bhi jagha mehfooz kar sake ge.





Benifits:

Backup bnane ke kuch fayde ye hein:

1.Backup create karne se apke messages aur call logs etc bhi save hoo ge 

2.Backup se mobile ki internal storage ki all files and folders ka backup bne ga agar kabhi ghalti se data format ho jaye to backup se dobara uss ko recover kia ja sakta hai


3.Sub se bara faida ye hai keh agar kabhi mobile ka software kharab ho jata hai to backup se mobile apni pichli halat mein wapis aa jaye ga

4.Maan le apke paas galaxy s4 phone hai aur aap ne uss ka backup bnaya hua hai to aap ussi backup ko kisi doosre s4 mobile pe bhi use kar sakte hein




Requirements:

1.Rooted android phone root karne ke methods already hare kiye ja chuke hein

• How To Root Android Mobile Simple Method For All Androids Hindi/Urdu
• Universal Method Of Android Rooting For All Kinds Of Mobiles

2.Custom recovery installed honi chahye jis ke lye pehle hi 2 posts likh chuka hoo

• Android Mobile FLashing Part2 And How To Flash Custom Recovery
• din Kya Hai Aur Odin Se Samsung Phones Mein Custom Recovery Flash Karna

3.Aik memory card jis mein 1gb tuk free space ho




Stock Rom Ka Backup Kese Banaye:

1.Sub se pehle phone ko recovery mood mein boot karein jo volume up,home and power button se kar sakte hein

2.Recovery mood mein jaane ke baad backup and restore ko click kare

3.Ab backup to external card ko press kar dein

4.Aisa karne se mobile phone ka backup hona satart ho jaye ga jis mein kuch waqt lage ga

5.Jub backup bun jaye to phone restart kre aur memory card open kre jis mein clockworkmod ke naam ka aik folder ho ga jis mein phone ka backup save hai


6.Clockworkmod folder ko kabhi bhi rename na kare agar kahi save karna hai to waha se poore folder ko copy kre




Backup Ko Restore Kese Kare:

Backup to bun gaya ab agar mobile phone mein kisi type ka koi masla aye to iss backup ko kese use karna hai uska method ye hai:

1.Phone recovery mood mein on kare

2.Ab backup and restore ko click kare


3.Iske baad restore from external card ko press kare aur jaha clockworkmod wala folder hai uss ko select kar lein

4.Ab restore hona start ho jaye ga aur jub complete ho jaye to mobile ko reboot kare

5.Congratulations apka phone apni pehle wali condition mein wapis aa chuka hai





Agar iss method mein kisi type ka koi doubt ho to comment kar ke pooche me apka doubt clear kar doo ga aur post ko facebook pe zaror share kare.